సామాజిక మాధ్యమాలతో తస్మాత్ జాగ్రత్త
Showing posts with label socialmedia. Show all posts
Showing posts with label socialmedia. Show all posts
ఆన్‌లైన్‌లో ఆదాచేయండిలా.._OnlineCashBackOffers
ఆన్‌లైన్‌లో ఆదాచేయండిలా..
ఇంటర్నెట్‌డెస్క్‌: ఇప్పటికీ మనం ఇంటి అవసరాల కోసం దగ్గరల్లో ఉన్న షాపునకు కావాల్సిన వస్తువులు వెళ్లి తెచ్చుకుంటాం. మన కళ్లతో చూసి, పట్టుకొని నాణ్యంగా ఉందా పరిశీలించుకొంటే అదో సంతృప్తి. అయితే బిజీ వాతావరణం, స్మార్ట్‌గా పనిచేసుకోవాలనుకోవడం, ఆన్‌లైన్‌లో ఆకట్టుకొనే ఆఫర్లు డిజిటల్‌ కొనుగోళ్ల వైపు మొగ్గుచూపేలా చేస్తున్నాయి. షాపింగ్‌ వెబ్‌సైట్లు, బ్యాంకులు, వ్యాలెట్‌లు వినియోగదారుల పనిని సులభతరం చేస్తున్నాయి. కొన్ని చిట్కాలు పాటించడం ఆన్‌లైన్‌లో షాపింగ్‌లో కూడా ఖర్చులు అదుపులో ఉంచుకొనే అవకాశం ఉందంటున్నారు ఆర్థిక నిపుణులు.
ధరల పోలిక: మొదట మనం కొనాలనుకుంటున్న వస్తువు ధర షాపింగ్‌ సైట్లలో ఎలా ఉందో పరిశీలించుకోవాలి. మనకు ఎంత ధర కావాలో దానికి అనుగుణంగా ప్రైస్‌ అలర్ట్‌లు పెట్టుకోవాలి. దాంతో కావాల్సిన ధరలో కొనాలనుకున్న వస్తువు లభిస్తుంది అనుకున్న తరవాతే మనకు నోటిఫికేషన్లు వస్తాయి. వాటితో పాటు ఒక్కోవస్తువు ధర ఎంతుందో పోల్చి చెప్పే వెబ్‌సైట్లు చాలానే అందుబాటులో ఉన్నాయి.
వస్తువు సమీక్ష: కొనుగోలు చేయాలనుకుంటున్న వస్తువు ధర ఆకట్టుకొనేలా ఉండొచ్చు. అయితే ఒకసారి ఆ ఉత్పత్తికి సంబంధించిన సమీక్షను పరిశీలించుకోవడం ఉత్తమం. అన్నిసార్లు షాపింగ్‌ సైట్లలో ఉండే రివ్యూలనే నమ్మడానికి లేదు. కొన్ని వైబ్‌సైట్లు ప్రొడక్ట్ రివ్యూను కూడా ప్రచురిస్తాయి. వాటితో పాటు బంధువులు, స్నేహితులు ఎవరైనా ఇలాంటి వస్తువులు కొనుగోలు చేసుంటే వారి అభిప్రాయాన్ని తీసుకోవచ్చు. అంతేకాకుండా ఆ వస్తువు తొలిసారి తయారు చేసినప్పుడు ఏ ఫీచర్లు ఉన్నాయి.. ఆ తర్వా వాటిలో ఏమైనా మార్పలు చేశారా? అనేది పరిశీలించుకోవాలి. దాన్ని బట్టి ధరల్లో మార్పులుంటాయి.
ట్రాక్‌ ఆన్‌లైన్‌ షాపింగ్‌ ట్రెండ్స్‌: ఆఫర్లు గురించి సరిగా తెలుసుకోకపోతే ఎక్కువ ధరలు వెచ్చించే అవకాశం ఉంటుంది. వీటిని అదుపులో ఉంచడానికి ఖర్చులను వెల్లడించే యాప్‌ను వినియోగిస్తే ఇంకా మంచిది. వీటిని పరిశీలించడం వల్ల ఒక వస్తువును ఏ సమయంలో కొంటే సరైన ధరకు వస్తుందో తెలుసుకొనే అవకాశం ఉంటుంది. గతంతో పోల్చుకుంటే ధరల్లో వచ్చిన మార్పులను తెలుసుకోవచ్చు.
క్యాష్‌బ్యాక్‌, డిస్కౌంట్ ఆఫర్స్‌: రోజువారి కొనుగోళ్ల కోసం లేదా ప్రత్యేక రోజుల్లో కొనుగోళ్ల కోసం ప్రతి షాపింగ్‌ వెబ్‌సైట్‌ క్యాష్‌బ్యాక్‌, డిస్కౌంట్ల కోసం బ్యాంకులతో అనుసంధానం అవుతుంది. దీనికింద కొనుగోళ్ల చేపట్టేముందు వెబ్‌సైట్‌లో ఉన్న నియమనిబంధనలు ఒకసారి పరిశీలించాలి. ఒకవేళ క్యాష్ బ్యాక్‌ ఉన్నట్లయితే ఎన్నిరోజుల్లో అది మన ఖాతాలో జమ అవుతుందో తెలుసుకోవాలి. ఒకవేళ ఆ వస్తువుకు సంబంధించి చాలా ఆఫర్లు ఉన్నాయని తెలిస్తే అందులో ఏది లాభసాటిగా ఉంటుందో పరిశీలించుకొని కొనుగోలు చేసుకోవడం ఉత్తమం.
కార్డులపై రాయితీ, వ్యాలెట్‌ ఆఫర్లు : పండగ, ప్రత్యేకమైన రోజుల్లో వివిధ రకాల బ్యాంకు కార్డులు, మొబైల్‌ వ్యాలెట్లకు సంబంధించిన ఆఫర్ల గురించి ఈ-మెయిళ్లు, మెసెజ్‌లు కుప్పలుతెప్పలుగా వచ్చిపడతాయి. వీటిలో క్యాష్ బ్యాక్‌, ప్రొడక్ట్ డిస్కౌంట్లు గురించి వివరాలతో పాటు కొన్ని సైట్లలో కొంటే వచ్చే పాయింట్ల గురించి వివరాలు ఉంటాయి. అనువైన వాటిని గుర్తించడానికి ఫిల్టర్లు, లేబుళ్లను ఉపయోగించుకోవాలి.
చెక్ ఫర్‌ ఫ్రీ డెలివరీ: ఒక వస్తువును ఆన్‌లైన్‌ కొనుగోలు చేసేటప్పుడు దాని నాణ్యతతోపాటు డెలివరీ వ్యవస్థ ఎలా ఉందో కూడా పరిశీలించుకోవాలి. కొన్ని సంస్థలు ఉచితంగా కూడా డెలివరీ చేస్తుంటాయి. ముందుగా చెల్లించిన దాన్ని బట్టి కూడా డెలివరీ చేసే సంస్థలు ఉంటాయి. వ్యాపారంలో నెలకొన్న పోటీతత్వం కారణంగా సంస్థలు వివిధ రకాల ఆఫర్లు ప్రకటిస్తుంటాయి. వాటిని పరిశీలించుకోవడంతో పాటు రవాణా‌లో ఆ సంస్థకున్న రేటింగ్‌ను కూడా పరిశీలించుకోవాలి.
సోషల్‌ నెట్‌వర్కింగ్‌: అన్ని సైట్లకు ట్విటర్‌, ఫేస్‌బుక్‌ పేజ్‌లు ఉంటాయి. వాటిలో ప్రొడక్ట్ కు సంబంధించి అభిప్రాయాలను అడిగి తెలుసుకోవచ్చు. చాలామంది తమ అభిప్రాయాలను వెల్లడించడంతో పాటు తక్కువ ధరలకు అదే ప్రొడక్ట్ ఎక్కడ లభిస్తుందో కూడా వివరిస్తారు.
ధరల పోలిక: మొదట మనం కొనాలనుకుంటున్న వస్తువు ధర షాపింగ్‌ సైట్లలో ఎలా ఉందో పరిశీలించుకోవాలి. మనకు ఎంత ధర కావాలో దానికి అనుగుణంగా ప్రైస్‌ అలర్ట్‌లు పెట్టుకోవాలి. దాంతో కావాల్సిన ధరలో కొనాలనుకున్న వస్తువు లభిస్తుంది అనుకున్న తరవాతే మనకు నోటిఫికేషన్లు వస్తాయి. వాటితో పాటు ఒక్కోవస్తువు ధర ఎంతుందో పోల్చి చెప్పే వెబ్‌సైట్లు చాలానే అందుబాటులో ఉన్నాయి.
వస్తువు సమీక్ష: కొనుగోలు చేయాలనుకుంటున్న వస్తువు ధర ఆకట్టుకొనేలా ఉండొచ్చు. అయితే ఒకసారి ఆ ఉత్పత్తికి సంబంధించిన సమీక్షను పరిశీలించుకోవడం ఉత్తమం. అన్నిసార్లు షాపింగ్‌ సైట్లలో ఉండే రివ్యూలనే నమ్మడానికి లేదు. కొన్ని వైబ్‌సైట్లు ప్రొడక్ట్ రివ్యూను కూడా ప్రచురిస్తాయి. వాటితో పాటు బంధువులు, స్నేహితులు ఎవరైనా ఇలాంటి వస్తువులు కొనుగోలు చేసుంటే వారి అభిప్రాయాన్ని తీసుకోవచ్చు. అంతేకాకుండా ఆ వస్తువు తొలిసారి తయారు చేసినప్పుడు ఏ ఫీచర్లు ఉన్నాయి.. ఆ తర్వా వాటిలో ఏమైనా మార్పలు చేశారా? అనేది పరిశీలించుకోవాలి. దాన్ని బట్టి ధరల్లో మార్పులుంటాయి.
ట్రాక్‌ ఆన్‌లైన్‌ షాపింగ్‌ ట్రెండ్స్‌: ఆఫర్లు గురించి సరిగా తెలుసుకోకపోతే ఎక్కువ ధరలు వెచ్చించే అవకాశం ఉంటుంది. వీటిని అదుపులో ఉంచడానికి ఖర్చులను వెల్లడించే యాప్‌ను వినియోగిస్తే ఇంకా మంచిది. వీటిని పరిశీలించడం వల్ల ఒక వస్తువును ఏ సమయంలో కొంటే సరైన ధరకు వస్తుందో తెలుసుకొనే అవకాశం ఉంటుంది. గతంతో పోల్చుకుంటే ధరల్లో వచ్చిన మార్పులను తెలుసుకోవచ్చు.
క్యాష్‌బ్యాక్‌, డిస్కౌంట్ ఆఫర్స్‌: రోజువారి కొనుగోళ్ల కోసం లేదా ప్రత్యేక రోజుల్లో కొనుగోళ్ల కోసం ప్రతి షాపింగ్‌ వెబ్‌సైట్‌ క్యాష్‌బ్యాక్‌, డిస్కౌంట్ల కోసం బ్యాంకులతో అనుసంధానం అవుతుంది. దీనికింద కొనుగోళ్ల చేపట్టేముందు వెబ్‌సైట్‌లో ఉన్న నియమనిబంధనలు ఒకసారి పరిశీలించాలి. ఒకవేళ క్యాష్ బ్యాక్‌ ఉన్నట్లయితే ఎన్నిరోజుల్లో అది మన ఖాతాలో జమ అవుతుందో తెలుసుకోవాలి. ఒకవేళ ఆ వస్తువుకు సంబంధించి చాలా ఆఫర్లు ఉన్నాయని తెలిస్తే అందులో ఏది లాభసాటిగా ఉంటుందో పరిశీలించుకొని కొనుగోలు చేసుకోవడం ఉత్తమం.
కార్డులపై రాయితీ, వ్యాలెట్‌ ఆఫర్లు : పండగ, ప్రత్యేకమైన రోజుల్లో వివిధ రకాల బ్యాంకు కార్డులు, మొబైల్‌ వ్యాలెట్లకు సంబంధించిన ఆఫర్ల గురించి ఈ-మెయిళ్లు, మెసెజ్‌లు కుప్పలుతెప్పలుగా వచ్చిపడతాయి. వీటిలో క్యాష్ బ్యాక్‌, ప్రొడక్ట్ డిస్కౌంట్లు గురించి వివరాలతో పాటు కొన్ని సైట్లలో కొంటే వచ్చే పాయింట్ల గురించి వివరాలు ఉంటాయి. అనువైన వాటిని గుర్తించడానికి ఫిల్టర్లు, లేబుళ్లను ఉపయోగించుకోవాలి.
చెక్ ఫర్‌ ఫ్రీ డెలివరీ: ఒక వస్తువును ఆన్‌లైన్‌ కొనుగోలు చేసేటప్పుడు దాని నాణ్యతతోపాటు డెలివరీ వ్యవస్థ ఎలా ఉందో కూడా పరిశీలించుకోవాలి. కొన్ని సంస్థలు ఉచితంగా కూడా డెలివరీ చేస్తుంటాయి. ముందుగా చెల్లించిన దాన్ని బట్టి కూడా డెలివరీ చేసే సంస్థలు ఉంటాయి. వ్యాపారంలో నెలకొన్న పోటీతత్వం కారణంగా సంస్థలు వివిధ రకాల ఆఫర్లు ప్రకటిస్తుంటాయి. వాటిని పరిశీలించుకోవడంతో పాటు రవాణా‌లో ఆ సంస్థకున్న రేటింగ్‌ను కూడా పరిశీలించుకోవాలి.
సోషల్‌ నెట్‌వర్కింగ్‌: అన్ని సైట్లకు ట్విటర్‌, ఫేస్‌బుక్‌ పేజ్‌లు ఉంటాయి. వాటిలో ప్రొడక్ట్ కు సంబంధించి అభిప్రాయాలను అడిగి తెలుసుకోవచ్చు. చాలామంది తమ అభిప్రాయాలను వెల్లడించడంతో పాటు తక్కువ ధరలకు అదే ప్రొడక్ట్ ఎక్కడ లభిస్తుందో కూడా వివరిస్తారు.
వరల్డ్ టైలర్స్ డే_WorldTailorsDay
వరల్డ్ టైలర్స్ డే
వస్త్రాలు, దారంతో బట్టలు లేదా దుస్తులు కుట్టే టైలర్ దర్జీ .వేలాది ముస్లిం కుటుంబాలు దర్జీ పనిలో ఉన్నాయి.రెడీమేడ్‌ బట్టలు విరివిగా రావడం యువత దానిమీద మోజుతో ఎక్కువ ఆసక్తి చూపుతూ కొనుగోలు చేయడంతో దర్జీల దగ్గర బట్టలు చేసి కుట్టించుకొనేవారు తక్కువయ్యారు. దీనితో వీరి జీవన భృతికి ఆటంకం ఏర్పడి కుటుంబ పోషణ జరగడం కష్టంగా తయారైంది. రెడీమేడ్‌ వస్త్రాలు తక్కువ ధరకు దొరకడం, తోపుడు బండ్లపైన సైతం టీషర్టులు, జీన్‌‌ప్యాంట్లు విరివిగా దొరుకుతున్నాయి. సంతలో సైతం రెడీమేడ్‌ దుస్తులు విక్రయిస్తుండటంతో గ్రామీణ ప్రాంతాలకు చెందిన నిరుపేదలు వాటిని కొనుగోలు చేయడానికి ఆసక్తి చూపిస్తున్నారు.
దానికి తోడు కుట్టడానికి అవసరమయ్యే సరంజామా (క్యాన్‌వాస్‌, గుండీలు, హుక్సులు, దారాలు, ఆయిల్‌మిషన్‌) ధరలు పెరగడంతో దర్జీల దగ్గర బట్టలు ఇచ్చి కుట్టించుకొంటే ధర ఎక్కువ అవుతుందని అదే రెడీమేడ్‌ తీసుకొంటే తక్కువ ధరకు దొరుకుతాయి. వాటిమీద ఆదరణ చూపిస్తున్నారు. ఈ వృత్తినే నమ్ముకొని కొందరు ఇతర చోట్లకు వలసలు వెళ్ళారు.గిరాకులు దర్జీల వద్దకు వచ్చి బట్టలు కుటించుకొనే ఓపిక నశించింది. దర్జీల చేతికి ఇస్తే సరైన సమయానికి బట్టలు కుట్టించి ఇవ్వలేరని అప్పటికప్పుడు రెడిమెడ్‌ షాపులలోకి వెళ్ళి తమకు కావాల్సిన దుస్తులను ఎంపిక చేసుకొంటున్నారు. దీని ప్రభావం దర్జీల పై చాలా పడింది. గతంలో మాదిరిగా కాకుండా నేడు మహిళలకు కుట్టుమిషన్లు శిక్షణఇవ్వడంతో మహిళలకు కావాల్సిన దుస్తులను మహిళలే తమ ఇళ్ళవద్ద కుట్టుకొంటు న్నారు. అంగళ్ళు పెట్టుకొని దర్జీ పనిచేస్తున్న వీరికి పీస్‌ వర్క్ మెటీరియల్స్ గిట్టుబాటు కాకపోవడంతో అంగళ్ళు మూసివేసి ఇళ్ళదగ్గర కుట్టుకొంటున్నారు.కొంతమంది పేద దర్జీలు కుట్టుమిషన్లు అమ్ముకొని ప్రతి రోజు 5 రూపాయల అద్దెతో కుట్టుమిషన్లను తెచ్చుకొని జీవనం సాగిస్తున్నారు.రెడీమేడ్‌ దుస్తులు రాని సమయంలో వారికి కావాల్సిన దుస్తులను నెల ముందుగా ఇచ్చే వారు. పండగ సీజన్‌లు వస్తే వారం ముందు మాకు కుట్టేందుకు వీలు కాదు అనేవారము. నేడు ఆ పరిస్థితి లేదు. కుట్టే దుస్తుల కోసం ఎదురు చూడాల్సిన పరిస్థితి.
దానికి తోడు కుట్టడానికి అవసరమయ్యే సరంజామా (క్యాన్‌వాస్‌, గుండీలు, హుక్సులు, దారాలు, ఆయిల్‌మిషన్‌) ధరలు పెరగడంతో దర్జీల దగ్గర బట్టలు ఇచ్చి కుట్టించుకొంటే ధర ఎక్కువ అవుతుందని అదే రెడీమేడ్‌ తీసుకొంటే తక్కువ ధరకు దొరుకుతాయి. వాటిమీద ఆదరణ చూపిస్తున్నారు. ఈ వృత్తినే నమ్ముకొని కొందరు ఇతర చోట్లకు వలసలు వెళ్ళారు.గిరాకులు దర్జీల వద్దకు వచ్చి బట్టలు కుటించుకొనే ఓపిక నశించింది. దర్జీల చేతికి ఇస్తే సరైన సమయానికి బట్టలు కుట్టించి ఇవ్వలేరని అప్పటికప్పుడు రెడిమెడ్‌ షాపులలోకి వెళ్ళి తమకు కావాల్సిన దుస్తులను ఎంపిక చేసుకొంటున్నారు. దీని ప్రభావం దర్జీల పై చాలా పడింది. గతంలో మాదిరిగా కాకుండా నేడు మహిళలకు కుట్టుమిషన్లు శిక్షణఇవ్వడంతో మహిళలకు కావాల్సిన దుస్తులను మహిళలే తమ ఇళ్ళవద్ద కుట్టుకొంటు న్నారు. అంగళ్ళు పెట్టుకొని దర్జీ పనిచేస్తున్న వీరికి పీస్‌ వర్క్ మెటీరియల్స్ గిట్టుబాటు కాకపోవడంతో అంగళ్ళు మూసివేసి ఇళ్ళదగ్గర కుట్టుకొంటున్నారు.కొంతమంది పేద దర్జీలు కుట్టుమిషన్లు అమ్ముకొని ప్రతి రోజు 5 రూపాయల అద్దెతో కుట్టుమిషన్లను తెచ్చుకొని జీవనం సాగిస్తున్నారు.రెడీమేడ్‌ దుస్తులు రాని సమయంలో వారికి కావాల్సిన దుస్తులను నెల ముందుగా ఇచ్చే వారు. పండగ సీజన్‌లు వస్తే వారం ముందు మాకు కుట్టేందుకు వీలు కాదు అనేవారము. నేడు ఆ పరిస్థితి లేదు. కుట్టే దుస్తుల కోసం ఎదురు చూడాల్సిన పరిస్థితి.
బాల్యంలోకి అడుగులేద్దాం_GotoPastChildLife
బాల్యంలోకి అడుగులేద్దాం!
అప్పుడే మనసుకు ఆరోగ్యం, ఆనందం
బాల్యం... ఓ మధుర జ్ఞాపకం. చిరకాలం నిలిచిపోయే శిలాక్షరం. కల్లాకపటం ఎరుగని మనస్తత్వం.. ఉన్నది ఉన్నట్లు బయటికి చెప్పేసే బోళాతనం.. కొత్తకొత్త విషయాల్ని తెలుసుకోవాలనే ఉత్సాహం.. ప్రశ్నలతో ఉక్కిరిబిక్కిరి చేసే అమాయకత్వం.. ఆటలతో ఆరోగ్యాన్ని పెంచుకునే చలాకీతనం.. ఇవన్నీ బాల్యానికే సొంతం. ‘మళ్లీ ఆ రోజులొస్తే ఎంత బావుండు’ అని ఆశపడని మనసుండదు. మరి ఆ రోజులు మళ్లీ రావాలంటే పెద్దయ్యాక ఏం చేయాలి? మన జీవన శైలిని కొద్దిగా మార్చుకుంటే.. ఎంచక్కా ఆ ‘పాత మధురాల్ని’ ఆస్వాదించొచ్చు, ఒత్తిడికి దూరం కావొచ్చని నిపుణులు విశ్లేషిస్తున్నారు. చిన్న నాటి అలవాట్లను పునరావృతం చేయడం వల్ల కలిగే ప్రయోజనాలపై ప్రత్యేక కథనం..
పెద్దల్లో కంటే పిల్లల్లో విశ్వాసం, ధైర్య సాహసాలు ఎక్కువగా ఉండటానికి కారణాలు వారికి ఉండే అలవాట్లే. ఆరోగ్యంగా ఎదగడానికి, పనిలో వేగంగా నైపుణ్యం సాధించడానికీ బాలలకు ఈ అలవాట్లే ఉపకరిస్తున్నాయి. పెద్దయ్యాక ఇదే అలవాట్లను పునరావృతం చేస్తే జీవితంలో ఎన్నో అద్భుతాలు సాధించొచ్చు, మరెన్నో సమస్యలు, సవాళ్లు, ఒత్తిళ్లను అధిగమించొచ్చు.
త్వరగా నిద్రపోండి: రాత్రి 8 గంట కొట్టగానే నిద్రకు ఉపక్రమించి.. పొద్దున లేవగానే ఎంతో శక్తితో, చలాకీగా తిరిగే చిన్ననాటి జ్ఞాపకాలు గుర్తున్నాయా!! ఆ రోజులు మళ్లీ రావాలంటే... రాత్రిపూట టీవీలు, నెట్‌ చూడటం, పార్టీలకు హాజరుకావడం.. ఇవన్నీ మానేసి త్వరగా నిద్రపోండి.
ఆటలు ఆడండి: చిన్నప్పుడు పాఠశాలలో, ఇంటికొచ్చాక ఒకటే ఆటలు!! ఆరోగ్యాన్ని, ఆహ్లాదాన్ని, ఆనందాన్ని పంచే బ్యాడ్మింటన్‌, ఫుట్‌బాల్‌, బాస్కెట్‌బాల్‌, ఈత.. ఇలాంటి రకరకాల ఆటల్ని పెద్దయ్యాకా ఆడండి. మానసిక, శారీరకోల్లాసానికి క్రీడలు ఎంతో అవసరం.
ఫోన్లలో కాదు.. మిత్రుల్ని స్వయంగా కలవండి: బాల్యంలో మిత్రుడికి ఏదైనా విషయం చెప్పాలంటే స్వయంగా కలుసుకునే వాళ్లం. ఇప్పుడు ప్రతిదానికీ సెల్‌ఫోన్‌నే వాడేస్తున్నాం. అలా కాకుండా కొన్ని గంటలు ఫోన్‌ను పక్కనపెట్టి.. మిత్రుణ్ని స్వయంగా కలుసుకుని మనసువిప్పి మాట్లాడుకోండి.
అనుభూతుల్ని పంచుకోండి: పాఠశాలలో ఉపాధ్యాయుడు చెప్పిన విషయాలు, మిత్రుడితో గొడవ.. ఇలా ప్రతి విషయాన్ని ఇంటికొచ్చాక తల్లిదండ్రులతో చెప్పుకునే వాళ్లం. పెద్దవాళ్లయ్యాక.. అది మానేసి.. తలుపులు బిడాయించుకుని సినిమా చూడటమో, సెల్‌ఫోన్‌లో మాట్లాడటమో చేసున్నాం. అలా కాకండా తల్లిదండ్రులతో కూర్చుని కాసేపు ముచ్చట్లాడితే మనసు కుదుటపడుతుంది.
మరిన్ని ప్రశ్నలు అడగండి: కొత్త కొత్త విషయాలు తెలుసుకోవడం కోసం చిన్నప్పుడు తల్లిదండ్రుల్ని, ఉపాధ్యాయుల్ని, మిత్రుల్ని పదే పదే ప్రశ్నలతో ముంచెత్తేవాళ్లం.. గుర్తుందా!! నేర్చుకునే దానికి వయసు అడ్డుకాదు కాబట్టి పెద్దయ్యాకా .. ఇదే ధోరణి అనుసరించండి. ఇతరుల నుంచి తెలుసుకోవడానికి ప్రయత్నించండి.
కెఫిన్‌ వదిలేయండి: జ్యూస్‌ చిన్నప్పుడు ఎంతో ఇష్టమైన డ్రింక్‌. పండ్ల రసాల్లాంటి జ్యూస్‌ మన ఒత్తిళ్లను తగ్గించదని, కాఫీ తాగితే మంచిదని పెద్దయ్యాక అనుకుంటాం. ఆ ఆలోచన మానండి. మళ్లీ జ్యూస్‌ వైపు మళ్లండి.
మరిచిపోండి.. మన్నించండి: చిన్నప్పుడు ఎంతోమందితో గొడవపడుతుంటాం. దాన్ని మరిచిపోయి కొద్దిసేపటికే మళ్లీ స్నేహం చేసేస్తుంటాం. పెద్దయ్యాకా అలాంటి అలవాటే ఉంటే.. ఎన్నో సమస్యల నుంచి బయటపడొచ్చు. క్షమాగుణం అలవరచుకోవడం ముఖ్యం.
చదువుతూ నిద్రపోండి: నిద్రపోయే ముందు కాసేపు ఇంటర్నెట్‌ను ఆపేయండి. పుస్తకం చదవడం మొదలుపెట్టండి. కళ్లను ఒత్తిడికి గురిచేసే డిజిటల్‌ స్క్రీన్‌ కన్నా.. పుస్తకం చదవడం వల్ల త్వరగా, హాయిగా నిద్ర వస్తుంది.
ఎక్కువగా పట్టించుకోవద్దు: మన గురించి ఇతరులు ఎదో అనుకుంటున్నారని మరీ అతిగా ఆలోచించొద్దు. చిన్నపిల్లల మనస్తత్వంతో వ్యవహరించి...ఇతరులకు హాని చేయని రీతిలో.. మీకు ఏది మంచిది అనిపిస్తుందో అదే చేయండి.
అమ్మ చేతి వంటనే తినండి: చిన్నప్పుడు అమ్మచేసిన వంట తినడం వల్లే ఆరోగ్యంగా పెరిగాం. కాబట్టి పెద్దయ్యాకా... బయటి తిండిల జోలికి వెళ్లకుండా అమ్మ చేసిన ఆహారాన్నే తినండి.
ఉన్నది ఉన్నట్లు చెప్పండి: నిజమేందో, అబద్ధమేందో విశ్లేషించే సామర్థ్యంలేని బాల్యంలో మనసులో ఏది అనిపిస్తే దాన్ని బయటికి చెప్పేసేవాళ్లం. ఇప్పుడూ అలాంటి అలవాటే చేసుకోండి. అన్ని విషయాల్నీ మనసులో దాచేసుకుని మనశ్శాంతిని కోల్పోవద్దు.
ప్రేమిస్తున్నానని చెప్పండి: మీరు ఎవరినైనా అభిమానిస్తున్నా.. ప్రేమిస్తున్నా ఆ విషయాన్ని మనసులో దాచుకోకుండా వెంటనే చెప్పేయండి. బాల్యంలో అలా చెప్పడం వల్లే ఎందరో స్నేహితులు, అభిమానుల్ని సంపాదించుకోగలిగాం.
కావాల్సింది అడిగేయండి: చిన్నప్పుడు మనకు ఏదైనా కావాల్సి వస్తే నిర్భయంగా మన చుట్టూ ఉన్న వాళ్లను అడిగేసే వాళ్లం. పెద్దయ్యాక ఎందరం అలా అడుగుతున్నాం? అలా అడగకుండా ఎన్నిసార్లు నష్టపోలేదు? కాబట్టి అడగడానికి ఎట్టి పరిస్థితుల్లోనూ సంకోచించొద్దు.
క్షమాపణ తప్పుకాదు: ఏదైనా తప్పుచేసినపుడు క్షమాపణ చెప్పడం తప్పుకాదు. అది మన గౌరవాన్ని పెంచుతుంది. అపోహల్ని తొలగిస్తుంది. ఇతరుల మనసు బాధపడిందని గుర్తించినపుడు చిన్నపిల్లలు క్షమాపణ చెబుతారని గుర్తించడం మరవకండి.
ఓటమికి వెరువద్దు: ఓ పనిలో వైఫల్యం చెందినా.. పిల్లలు పదేపదే ప్రయత్నించి విజయాలు సాధించిన సందర్భాలు అనేకం. అందువల్ల పెద్దయ్యాకా.. ఓడిపోయామని భయపడకుండా మళ్లీ మళ్లీ విజయం కోసం ప్రయత్నించండి.
ఆసక్తిని చంపుకోవద్దు: ఏదైనా కొత్త విషయాన్ని తెలుసుకోవడానికి చిన్నప్పుడు చూపే ఆసక్తి చాలా ఎక్కువ. పెద్దయ్యాకా ఇదే అలవాటును కొనసాగించండి.
ఏడవండి: బాధేసినపడు ఇతరులు చూస్తున్నా సరే చిన్నప్పుడు గట్టిగా ఏడ్చేవాళ్లం. ఇప్పుడు ఒంటరి ప్రదేశంలో ఉన్నా సరే.. బాధను మనసులోనే దిగమింగుకుంటున్నాం. కానీ ఏడవడం వల్ల మనలోని బాధ చాలావరకు తగ్గిపోతుంది. మనసు కుదుటపడుతుంది. ఆరోగ్యానికీ మంచిది.
ఫోన్‌కి ఇద్దాం ఓ బ్రేక్‌_StopRelationWithSmartphone
ఫోన్‌కి ఇద్దాం ఓ బ్రేక్‌!
స్మార్ట్‌ఫోన్‌... ఈ కాలపు అద్భుత ఆవిష్కరణ. సైకిల్‌ తర్వాత అత్యంత ప్రయోజనకరమైన సాధనం ఇదేనంటూ ప్రపంచమంతా జేజేలు పలుకుతున్న గ్యాడ్జెట్‌. దేశ, ప్రాంత, వర్గ, భాషా భేదాలు లేకుండా అందరి చేతుల్లో వెలిగిపోతున్న ఉపకరణం. వేలి స్పర్శతో వేయిన్నొక్క పనులు చేసి పెడుతోందంటూ సంబరంగా ఈ చిన్ని పరికరానికిగానీ అతుక్కుపోయామా... అంతే సంగతులు!
దంపతులిద్దరూ మంచం మీద చెరోవైపు తిరిగి పడుకుని ఉంటారు. మధ్యలో చార్జింగ్‌కి పెట్టిన రెండు సెల్‌ఫోన్లు. కింద ‘మేమిద్దరం మాకిద్దరు’ అంటూ ఓ వాక్యం.
‘కాసేపు ఆ ఫోను పక్కనపెడితే మూడుముళ్లూ వేయిస్తాను’ పెళ్లి పీటల మీద ఫోన్లతో బిజీగా ఉన్న వధూవరులను బతిమాలుతుంటాడు పురోహితుడు.
‘ఇద్దరు వ్యక్తులు ఎదురెదురుగా నిలబడి మాట్లాడుకుంటున్నారంటే ఏమిటి అర్థం?’‘వాళ్లిద్దరి ఫోన్లూ ఛార్జింగ్‌లో ఉన్నాయని..!’
సామాజిక మాధ్యమాల్లో తలమునకలవుతున్నవారి గురించి ఆ మాధ్యమాల్లోనే ఇలాంటి జోకులు ఎన్నో. సెల్‌ఫోన్‌ ఇప్పుడు చాలా స్మార్ట్‌గా మన జీవితాల్లోకి చొచ్చుకువచ్చేసింది. పుష్కరం క్రితం అసలా పదమే లేదు నిఘంటువులో. ఇప్పుడు ప్రపంచమంతా దాని చుట్టూనే తిరుగుతోంది!
ఇంట్లో కుటుంబసభ్యులకు ఏనాడూ శుభోదయం చెప్పనివారు నేడు సామాజిక మాధ్యమాల్లో ముఖపరిచయమే లేని మిత్రులకు శుభోదయం చెప్పకుండా మంచం దిగడం లేదు. చాలామందికి ఇదో అబ్సెషన్‌ అయిపోయింది. మనదేశంలో మూడింట ఒక వంతు స్మార్ట్‌ఫోన్లలో రోజూ స్టోరేజ్‌ స్పేస్‌ అయిపోతుండడం చూసిన గూగుల్‌ దానిపై అధ్యయనం చేసింది. అందమైన ఫొటోలతో, దేవుళ్ల చిత్రాలతో ప్రజలు చెప్పుకొంటున్న ఈ శుభోదయం సందేశాలే అందుకు కారణమని తేల్చింది. గత ఐదేళ్లలో ఇలాంటి చిత్రాలకోసం గూగుల్‌లో వెదుకుతున్న వారి సంఖ్య పదిరెట్లు పెరిగిందట. ఈ సమస్య తగ్గించడానికే ‘స్టేటస్‌’ అనే ఫీచర్‌ను ప్రవేశపెట్టింది వాట్సాప్‌. అక్కడ ఒక్క ఫొటో పెట్టి, గుడ్‌మార్నింగ్‌ అని క్యాప్షన్‌ ఇస్తే అందరికీ చెప్పినట్లే. కానీ దాన్ని ఉపయోగించేవారు అరుదు. కొత్త సంవత్సరం నాడు ఒక్క మనదేశంలోనే రికార్డు స్థాయిలో రెండు వేల కోట్ల సందేశాలను ఫోన్లు చేరవేశాయి.ప్రపంచంలో మరే దేశంలోనూ ఇన్ని సందేశాలు నమోదవలేదు!
ఇది చాలదూ ఫోనుని మనం ఎంత ఎక్కువగా వినియోగిస్తున్నామో చెప్పడానికి.
ఫోను వాడితే తప్పేముంది?
తప్పేమీలేదు, ఫోను అవసరమే. అయితే ఆ వాడకానికి ఒక పరిమితి అంటూ లేకపోతేనే తిప్పలు. రెండువైపులా పదునున్న కత్తిలాంటిదీ స్మార్ట్‌ఫోను. దాంతో పనులూ చేసుకోవచ్చు. కాలక్షేపమూ చేయొచ్చు.దుర్వినియోగమూ చేయొచ్చు. దేనికి ఎక్కువ సమయం కేటాయిస్తున్నామన్న దాన్నిబట్టి ఫోను మన నియంత్రణలో ఉందో లేక మనమే దానికి బానిసలమయ్యామో తెలుస్తుంది. ఫోన్‌ ద్వారా బంధుమిత్రుల యోగక్షేమాలు విచారించవచ్చు. ఉద్యోగ, వ్యాపార పనుల గురించి మాట్లాడొచ్చు. సందేశాలూ మెయిల్సూ పంపొచ్చు. ఇంకా ఎన్నో పనులు చేయొచ్చు. వాటికి ఎంతో సేపు పట్టదు. బ్యాంకు లావాదేవీలూ ఇతరత్రా పనులూ రోజూ ఉండేవి కావు. అయినా ఎక్కువ సమయం ఫోనుతో గడుపుతున్నారంటే, ఫోను లేకపోతే చేతులు విరిచేసినట్లుగా ఇబ్బంది పడిపోతున్నారంటే- ఫోనుతో గడపడమనేది వారికి వ్యసనంగా మారిపోయిందనే అర్థం. కొందరు సామాజిక మాధ్యమాలు ఎక్కువగా చూస్తుంటారు. తమ పోస్టుకి లైకులూ కామెంట్లూ ఎన్నొచ్చాయోనని పదినిమిషాలకోసారి చెక్ చేస్తుంటారు. కొందరు ట్విటర్‌ని అనుసరిస్తుంటారు. అనుక్షణం అప్‌డేట్స్‌ కావాలి వారికి. ఇంకొందరు అవసరం ఉన్నా లేకపోయినా వారికి తోచిన విషయం గురించి అంతర్జాలంలో శోధిస్తుంటారు. వీరే కాదు, వీడియోలూ, సినిమాలూ చూసేవారూ; గాసిప్స్‌ చదివేవారూ; ఆన్‌లైన్‌ షాపింగ్‌ చేసేవారూ; గంటల తరబడి గేమ్స్‌ ఆడేవారూ... ఇలా ఎందరో తమను తాము సెల్‌ఫోన్‌తో కట్టేసుకుంటున్నారు. తింటున్నా, రోడ్డుమీద నడుస్తున్నా, వాహనం నడుపుతున్నా, ఆఖరికి నిద్రపోతున్నా చేతిలో సెల్‌ఫోను వదలడం లేదు ఇలాంటివారు.
దాన్ని వ్యసనమని ఎలా అంటారు?
చాలామందికి ఫోన్‌ అబ్సెషన్‌ అంటున్నారు దీనిపై పరిశోధన చేసిన నిపుణులు. అంటే వారి ‘మనసంతా ఫోనే’ ఆక్రమించేసి ఉంటోందట. ఆ దశ కూడా దాటి కొందరు వ్యసనం స్థాయికి చేరుకుంటున్నారన్నది నిపుణులు చెప్తున్న లెక్క. ఇప్పుడిది ప్రపంచ దేశాలన్నీ ఎదుర్కొంటున్న సమస్య. మన దేశ పరిస్థితి చూస్తే...
* సెమిస్టర్‌ పరీక్షలు పాస్‌ కాకపోవడంతో ఓ ఇంజినీరింగ్‌ విద్యార్థిని కళాశాలనుంచి పంపించేశారు... రోజూ 14 గంటలు ఫోనుతో గడుపుతూ చదువు వదిలేసిన ఆ అబ్బాయిని తల్లిదండ్రులు ఆస్పత్రికి తీసుకొచ్చారు. పాఠాలు వినకుండా ఫోనుతో ఆడుకుంటున్నాడని 16 ఏళ్ల కుర్రాడి ఫోనును స్కూలు యాజమాన్యం తీసుకుంది... ఆ అబ్బాయి మరో ఫోను కొనుక్కోడానికి తండ్రి జేబులో డబ్బు దొంగిలించాడు. దిల్లీలోని ఎయిమ్స్‌కి ఇలాంటి కేసులు ఎన్నో వస్తున్నాయి. పరిస్థితులు చేతులు దాటితే కానీ అవి ఆస్పత్రిదాకా రావన్నది వాస్తవం. హైదరాబాద్‌లోనూ
ఖరీదైన ఫోన్లు కొనుక్కోవడానికే ఎక్కువ మంది విద్యార్థులు దొంగతనాలకు పాల్పడుతున్నట్లు పోలీసుల పరిశీలనలో తేలింది.
* 13-24 మధ్య వయసువారిలో గత ఏడాదిలోనే ఫోన్‌ ఎడిక్షన్‌ సమస్య 75 నుంచి 100 శాతం వరకూ పెరిగిందని నిపుణులు చెబుతున్నారు. ఇలాంటివారికి ఎంఆర్‌ఐ, సీఏటీ స్కాన్‌ పరీక్షలు చేసినప్పుడు వాటి ఫలితాలు హెరాయిన్‌, కొకైన్‌ లాంటి మాదకద్రవ్యాలకు అలవాటు పడ్డవారి ఫలితాలను పోలి ఉండడం అందరినీ ఆందోళనకు గురిచేస్తోంది.
* రెండేళ్ల క్రితం జరిగిన ఓ అధ్యయనంలోనే స్మార్ట్‌ఫోన్‌ వాడుతున్నవారిలో 83 శాతం దాన్ని పక్కనే పెట్టుకు పడుకుంటున్నారని తెలిసింది. 57 శాతం ఫోను లేకుండా తాము బతకలేమని చెప్పారట.
* నానాటికీ డేటా చౌకగా లభించడమూ కొత్త కొత్త ఫీచర్లతో స్మార్ట్‌ఫోన్లు మార్కెట్‌ని ముంచెత్తడం వల్ల ఈ సమస్య భవిష్యత్తులో ఎన్నో రెట్లు పెరుగుతుందని క్రిసిల్‌ రీసెర్చ్‌ ఆందోళన వ్యక్తంచేస్తోంది.
* చాలామంది నవతరం తల్లిదండ్రులు పిల్లల్ని ఆడించడానికి ఫోనుల్ని వాడుకుంటున్నారన్నది నిపుణుల ఫిర్యాదు. ఫోనులో రైమ్సో, కార్టూన్‌ ఫిల్మో పెట్టి పసిపిల్లలు అది చూస్తుంటే తాము పనులు చేసుకుంటున్నారనీ ఈ అలవాటే పిల్లల్ని ఫోనుకు అలవాటు చేస్తోందనీ పెద్దయ్యాకా అది పోవడం లేదనీ నిపుణులంటున్నారు.
ఇది వ్యసనంగా మారిందని ఎలా తెలుస్తుంది?
* ఫోను లేకుండా క్షణం కూడా ఉండలేను... అంటుంటారా?
* ఫోను వాడే విషయంలో కుటుంబ సభ్యులకూ మీకూ మధ్య తరచూ విభేదాలు తలెత్తుతున్నాయా?
* చదువూ, ఇంటి పనులూ, ఆఫీసు పనులను సమయానికి పూర్తిచేయలేకపోతున్నారా?
* మనసు బాగోనప్పుడల్లా ఫోన్‌ ఆన్‌ చేస్తున్నారా?
* చదువు/ఉద్యోగం తప్ప మరో హాబీ లేదా? మిగిలిన సమయం అంతా ఫోనుతోనేనా?
* పనిలో ఉన్నా సోషల్‌ మీడియా పోస్టులూ లైకులూ కామెంట్ల గురించీ ఆలోచిస్తుంటారా?
* కాసేపు ఫోనుకి దూరంగా ఉండాల్సి వస్తే చిరాకుపడిపోతున్నారా?
* స్నేహితులను కలిసి మాట్లాడడంకన్నా ఫోనుతో గడిపే సమయమే ఎక్కువగా ఉంటోందా?
* భోజనం చేసేటప్పుడూ పడుకున్నప్పుడూ ఫోను పక్కనే పెట్టుకుంటున్నారా?
... పై తొమ్మిది ప్రశ్నల్లో కనీసం ఆరింటికి ‘అవును’ అన్నది సమాధానమైతే ఫోను వాడకం వ్యసనంగా మారినట్లే లెక్క.
ఫోను ఉంది వాడుకోడానికేగా, ఎక్కువసేపు వాడితే నష్టమేముంది?
ఫోను అవసరానికి వాడాలి. అనవసరంగా వాడితే నష్టమే. ఎవరికి వారు తమ ఫోన్లకి అతుక్కునిపోవడం వల్ల ముఖ్యంగా మానవసంబంధాలు దెబ్బతింటున్నాయని పరిశోధకులు తేల్చిచెబుతున్నారు. ప్రత్యక్ష స్నేహ సంబంధాల కన్నా వర్చువల్‌ స్నేహాలు ఎక్కువవుతున్నాయనీ, ముఖ పరిచయం లేకుండా దూరంగా ఎక్కడో ఉన్నవారితో చాటింగ్‌ చేసి ఆ స్నేహాలను నమ్మి జీవితాలను పణంగా పెట్టే యువతీయువకులు ఎక్కువవుతున్నారనీ పోలీసులు హెచ్చరిస్తున్నారు. సాంకేతికత వాడకం ఎక్కువైన కొద్దీ మనుషులు యంత్రాల్లా మారిపోతున్నారన్నది వాస్తవం. ఏకాగ్రత తగ్గడమూ, మానసిక ఒత్తిడి పెరగడమూ, నిద్రలేమీ, కుంగుబాటూ, ఒంటరితనమూ ఫోను ఎక్కువగా వాడేవారిలో కన్పించే లక్షణాలు. ఒత్తిడితో బాధపడుతున్నవారికి ఉద్యోగ, కుటుంబ జీవితాలను సమన్వయం చేసుకోమని ఒకప్పుడు నిపుణులు సలహాలిచ్చేవారు. ఆ వర్క్ లైఫ్‌ బ్యాలన్స్‌ కాస్తా ఇప్పుడు టెక్‌ లైఫ్‌ బ్యాలన్స్‌గా మారింది. ఫోను వాడకం మానసికాందోళనను పెంచుతున్నట్లు కాలిఫోర్నియా యూనివర్సిటీలో జరిగిన ఒక అధ్యయనం తేల్చింది. ఫోను కనపడకుండా ఉంటే ఏదో కోల్పోయినట్లు అన్పించడమూ ఫోను మోగకపోయినా మోగినట్లు అనుభూతి చెంది పదే పదే తీసి చూడడమూ, పలకరిస్తే చికాకు పడడమూ... ఇలాంటివి ఫోను వ్యసనంగా మారుతోందనడానికి నిదర్శనాలు.
దంపతులిద్దరూ మంచం మీద చెరోవైపు తిరిగి పడుకుని ఉంటారు. మధ్యలో చార్జింగ్‌కి పెట్టిన రెండు సెల్‌ఫోన్లు. కింద ‘మేమిద్దరం మాకిద్దరు’ అంటూ ఓ వాక్యం.
‘కాసేపు ఆ ఫోను పక్కనపెడితే మూడుముళ్లూ వేయిస్తాను’ పెళ్లి పీటల మీద ఫోన్లతో బిజీగా ఉన్న వధూవరులను బతిమాలుతుంటాడు పురోహితుడు.
‘ఇద్దరు వ్యక్తులు ఎదురెదురుగా నిలబడి మాట్లాడుకుంటున్నారంటే ఏమిటి అర్థం?’‘వాళ్లిద్దరి ఫోన్లూ ఛార్జింగ్‌లో ఉన్నాయని..!’
సామాజిక మాధ్యమాల్లో తలమునకలవుతున్నవారి గురించి ఆ మాధ్యమాల్లోనే ఇలాంటి జోకులు ఎన్నో. సెల్‌ఫోన్‌ ఇప్పుడు చాలా స్మార్ట్‌గా మన జీవితాల్లోకి చొచ్చుకువచ్చేసింది. పుష్కరం క్రితం అసలా పదమే లేదు నిఘంటువులో. ఇప్పుడు ప్రపంచమంతా దాని చుట్టూనే తిరుగుతోంది!
ఇంట్లో కుటుంబసభ్యులకు ఏనాడూ శుభోదయం చెప్పనివారు నేడు సామాజిక మాధ్యమాల్లో ముఖపరిచయమే లేని మిత్రులకు శుభోదయం చెప్పకుండా మంచం దిగడం లేదు. చాలామందికి ఇదో అబ్సెషన్‌ అయిపోయింది. మనదేశంలో మూడింట ఒక వంతు స్మార్ట్‌ఫోన్లలో రోజూ స్టోరేజ్‌ స్పేస్‌ అయిపోతుండడం చూసిన గూగుల్‌ దానిపై అధ్యయనం చేసింది. అందమైన ఫొటోలతో, దేవుళ్ల చిత్రాలతో ప్రజలు చెప్పుకొంటున్న ఈ శుభోదయం సందేశాలే అందుకు కారణమని తేల్చింది. గత ఐదేళ్లలో ఇలాంటి చిత్రాలకోసం గూగుల్‌లో వెదుకుతున్న వారి సంఖ్య పదిరెట్లు పెరిగిందట. ఈ సమస్య తగ్గించడానికే ‘స్టేటస్‌’ అనే ఫీచర్‌ను ప్రవేశపెట్టింది వాట్సాప్‌. అక్కడ ఒక్క ఫొటో పెట్టి, గుడ్‌మార్నింగ్‌ అని క్యాప్షన్‌ ఇస్తే అందరికీ చెప్పినట్లే. కానీ దాన్ని ఉపయోగించేవారు అరుదు. కొత్త సంవత్సరం నాడు ఒక్క మనదేశంలోనే రికార్డు స్థాయిలో రెండు వేల కోట్ల సందేశాలను ఫోన్లు చేరవేశాయి.ప్రపంచంలో మరే దేశంలోనూ ఇన్ని సందేశాలు నమోదవలేదు!
ఇది చాలదూ ఫోనుని మనం ఎంత ఎక్కువగా వినియోగిస్తున్నామో చెప్పడానికి.
ఫోను వాడితే తప్పేముంది?
తప్పేమీలేదు, ఫోను అవసరమే. అయితే ఆ వాడకానికి ఒక పరిమితి అంటూ లేకపోతేనే తిప్పలు. రెండువైపులా పదునున్న కత్తిలాంటిదీ స్మార్ట్‌ఫోను. దాంతో పనులూ చేసుకోవచ్చు. కాలక్షేపమూ చేయొచ్చు.దుర్వినియోగమూ చేయొచ్చు. దేనికి ఎక్కువ సమయం కేటాయిస్తున్నామన్న దాన్నిబట్టి ఫోను మన నియంత్రణలో ఉందో లేక మనమే దానికి బానిసలమయ్యామో తెలుస్తుంది. ఫోన్‌ ద్వారా బంధుమిత్రుల యోగక్షేమాలు విచారించవచ్చు. ఉద్యోగ, వ్యాపార పనుల గురించి మాట్లాడొచ్చు. సందేశాలూ మెయిల్సూ పంపొచ్చు. ఇంకా ఎన్నో పనులు చేయొచ్చు. వాటికి ఎంతో సేపు పట్టదు. బ్యాంకు లావాదేవీలూ ఇతరత్రా పనులూ రోజూ ఉండేవి కావు. అయినా ఎక్కువ సమయం ఫోనుతో గడుపుతున్నారంటే, ఫోను లేకపోతే చేతులు విరిచేసినట్లుగా ఇబ్బంది పడిపోతున్నారంటే- ఫోనుతో గడపడమనేది వారికి వ్యసనంగా మారిపోయిందనే అర్థం. కొందరు సామాజిక మాధ్యమాలు ఎక్కువగా చూస్తుంటారు. తమ పోస్టుకి లైకులూ కామెంట్లూ ఎన్నొచ్చాయోనని పదినిమిషాలకోసారి చెక్ చేస్తుంటారు. కొందరు ట్విటర్‌ని అనుసరిస్తుంటారు. అనుక్షణం అప్‌డేట్స్‌ కావాలి వారికి. ఇంకొందరు అవసరం ఉన్నా లేకపోయినా వారికి తోచిన విషయం గురించి అంతర్జాలంలో శోధిస్తుంటారు. వీరే కాదు, వీడియోలూ, సినిమాలూ చూసేవారూ; గాసిప్స్‌ చదివేవారూ; ఆన్‌లైన్‌ షాపింగ్‌ చేసేవారూ; గంటల తరబడి గేమ్స్‌ ఆడేవారూ... ఇలా ఎందరో తమను తాము సెల్‌ఫోన్‌తో కట్టేసుకుంటున్నారు. తింటున్నా, రోడ్డుమీద నడుస్తున్నా, వాహనం నడుపుతున్నా, ఆఖరికి నిద్రపోతున్నా చేతిలో సెల్‌ఫోను వదలడం లేదు ఇలాంటివారు.
దాన్ని వ్యసనమని ఎలా అంటారు?
చాలామందికి ఫోన్‌ అబ్సెషన్‌ అంటున్నారు దీనిపై పరిశోధన చేసిన నిపుణులు. అంటే వారి ‘మనసంతా ఫోనే’ ఆక్రమించేసి ఉంటోందట. ఆ దశ కూడా దాటి కొందరు వ్యసనం స్థాయికి చేరుకుంటున్నారన్నది నిపుణులు చెప్తున్న లెక్క. ఇప్పుడిది ప్రపంచ దేశాలన్నీ ఎదుర్కొంటున్న సమస్య. మన దేశ పరిస్థితి చూస్తే...
* సెమిస్టర్‌ పరీక్షలు పాస్‌ కాకపోవడంతో ఓ ఇంజినీరింగ్‌ విద్యార్థిని కళాశాలనుంచి పంపించేశారు... రోజూ 14 గంటలు ఫోనుతో గడుపుతూ చదువు వదిలేసిన ఆ అబ్బాయిని తల్లిదండ్రులు ఆస్పత్రికి తీసుకొచ్చారు. పాఠాలు వినకుండా ఫోనుతో ఆడుకుంటున్నాడని 16 ఏళ్ల కుర్రాడి ఫోనును స్కూలు యాజమాన్యం తీసుకుంది... ఆ అబ్బాయి మరో ఫోను కొనుక్కోడానికి తండ్రి జేబులో డబ్బు దొంగిలించాడు. దిల్లీలోని ఎయిమ్స్‌కి ఇలాంటి కేసులు ఎన్నో వస్తున్నాయి. పరిస్థితులు చేతులు దాటితే కానీ అవి ఆస్పత్రిదాకా రావన్నది వాస్తవం. హైదరాబాద్‌లోనూ
ఖరీదైన ఫోన్లు కొనుక్కోవడానికే ఎక్కువ మంది విద్యార్థులు దొంగతనాలకు పాల్పడుతున్నట్లు పోలీసుల పరిశీలనలో తేలింది.
* 13-24 మధ్య వయసువారిలో గత ఏడాదిలోనే ఫోన్‌ ఎడిక్షన్‌ సమస్య 75 నుంచి 100 శాతం వరకూ పెరిగిందని నిపుణులు చెబుతున్నారు. ఇలాంటివారికి ఎంఆర్‌ఐ, సీఏటీ స్కాన్‌ పరీక్షలు చేసినప్పుడు వాటి ఫలితాలు హెరాయిన్‌, కొకైన్‌ లాంటి మాదకద్రవ్యాలకు అలవాటు పడ్డవారి ఫలితాలను పోలి ఉండడం అందరినీ ఆందోళనకు గురిచేస్తోంది.
* రెండేళ్ల క్రితం జరిగిన ఓ అధ్యయనంలోనే స్మార్ట్‌ఫోన్‌ వాడుతున్నవారిలో 83 శాతం దాన్ని పక్కనే పెట్టుకు పడుకుంటున్నారని తెలిసింది. 57 శాతం ఫోను లేకుండా తాము బతకలేమని చెప్పారట.
* నానాటికీ డేటా చౌకగా లభించడమూ కొత్త కొత్త ఫీచర్లతో స్మార్ట్‌ఫోన్లు మార్కెట్‌ని ముంచెత్తడం వల్ల ఈ సమస్య భవిష్యత్తులో ఎన్నో రెట్లు పెరుగుతుందని క్రిసిల్‌ రీసెర్చ్‌ ఆందోళన వ్యక్తంచేస్తోంది.
* చాలామంది నవతరం తల్లిదండ్రులు పిల్లల్ని ఆడించడానికి ఫోనుల్ని వాడుకుంటున్నారన్నది నిపుణుల ఫిర్యాదు. ఫోనులో రైమ్సో, కార్టూన్‌ ఫిల్మో పెట్టి పసిపిల్లలు అది చూస్తుంటే తాము పనులు చేసుకుంటున్నారనీ ఈ అలవాటే పిల్లల్ని ఫోనుకు అలవాటు చేస్తోందనీ పెద్దయ్యాకా అది పోవడం లేదనీ నిపుణులంటున్నారు.
ఇది వ్యసనంగా మారిందని ఎలా తెలుస్తుంది?
* ఫోను లేకుండా క్షణం కూడా ఉండలేను... అంటుంటారా?
* ఫోను వాడే విషయంలో కుటుంబ సభ్యులకూ మీకూ మధ్య తరచూ విభేదాలు తలెత్తుతున్నాయా?
* చదువూ, ఇంటి పనులూ, ఆఫీసు పనులను సమయానికి పూర్తిచేయలేకపోతున్నారా?
* మనసు బాగోనప్పుడల్లా ఫోన్‌ ఆన్‌ చేస్తున్నారా?
* చదువు/ఉద్యోగం తప్ప మరో హాబీ లేదా? మిగిలిన సమయం అంతా ఫోనుతోనేనా?
* పనిలో ఉన్నా సోషల్‌ మీడియా పోస్టులూ లైకులూ కామెంట్ల గురించీ ఆలోచిస్తుంటారా?
* కాసేపు ఫోనుకి దూరంగా ఉండాల్సి వస్తే చిరాకుపడిపోతున్నారా?
* స్నేహితులను కలిసి మాట్లాడడంకన్నా ఫోనుతో గడిపే సమయమే ఎక్కువగా ఉంటోందా?
* భోజనం చేసేటప్పుడూ పడుకున్నప్పుడూ ఫోను పక్కనే పెట్టుకుంటున్నారా?
... పై తొమ్మిది ప్రశ్నల్లో కనీసం ఆరింటికి ‘అవును’ అన్నది సమాధానమైతే ఫోను వాడకం వ్యసనంగా మారినట్లే లెక్క.
ఫోను ఉంది వాడుకోడానికేగా, ఎక్కువసేపు వాడితే నష్టమేముంది?
ఫోను అవసరానికి వాడాలి. అనవసరంగా వాడితే నష్టమే. ఎవరికి వారు తమ ఫోన్లకి అతుక్కునిపోవడం వల్ల ముఖ్యంగా మానవసంబంధాలు దెబ్బతింటున్నాయని పరిశోధకులు తేల్చిచెబుతున్నారు. ప్రత్యక్ష స్నేహ సంబంధాల కన్నా వర్చువల్‌ స్నేహాలు ఎక్కువవుతున్నాయనీ, ముఖ పరిచయం లేకుండా దూరంగా ఎక్కడో ఉన్నవారితో చాటింగ్‌ చేసి ఆ స్నేహాలను నమ్మి జీవితాలను పణంగా పెట్టే యువతీయువకులు ఎక్కువవుతున్నారనీ పోలీసులు హెచ్చరిస్తున్నారు. సాంకేతికత వాడకం ఎక్కువైన కొద్దీ మనుషులు యంత్రాల్లా మారిపోతున్నారన్నది వాస్తవం. ఏకాగ్రత తగ్గడమూ, మానసిక ఒత్తిడి పెరగడమూ, నిద్రలేమీ, కుంగుబాటూ, ఒంటరితనమూ ఫోను ఎక్కువగా వాడేవారిలో కన్పించే లక్షణాలు. ఒత్తిడితో బాధపడుతున్నవారికి ఉద్యోగ, కుటుంబ జీవితాలను సమన్వయం చేసుకోమని ఒకప్పుడు నిపుణులు సలహాలిచ్చేవారు. ఆ వర్క్ లైఫ్‌ బ్యాలన్స్‌ కాస్తా ఇప్పుడు టెక్‌ లైఫ్‌ బ్యాలన్స్‌గా మారింది. ఫోను వాడకం మానసికాందోళనను పెంచుతున్నట్లు కాలిఫోర్నియా యూనివర్సిటీలో జరిగిన ఒక అధ్యయనం తేల్చింది. ఫోను కనపడకుండా ఉంటే ఏదో కోల్పోయినట్లు అన్పించడమూ ఫోను మోగకపోయినా మోగినట్లు అనుభూతి చెంది పదే పదే తీసి చూడడమూ, పలకరిస్తే చికాకు పడడమూ... ఇలాంటివి ఫోను వ్యసనంగా మారుతోందనడానికి నిదర్శనాలు.
Subscribe to:
Posts (Atom)