అర్థనారీశ్వర స్తోత్రం, Ardanariswara stotram

అర్థనారీశ్వర స్తోత్రం

Ardanariswara stotram

అర్థ నారీశ్వర స్తోత్రమ్ 

చాంపేయ గౌరార్థ శరీరకాయై 

కర్పూర గౌరార్థ శరీరకాయ 

ధమిల్ల కాయైచ జటాధరాయ 

నమశ్శివాయై చ నమశ్శివాయII 

కస్తూరికా కుంకుమ చర్చితాయై 

చితారజః పుంజ విచర్చితాయ

కృత స్మరాయై వికృత స్మరాయ 

నమశ్శివాయై చ నమశ్శివాయII

ఝణత్క్వణత్కంకణ నూపురాయై 

పాదాబ్జ రాజత్ఫణి నూపురాయ 

హేమాంగదాయై భుజగాంగదాయ 

నమశ్శివాయై చ నమశ్శివాయII

విశాల నీలోత్పల లోచనాయై 

వికాసి పంకేరుహ లోచనాయ 

సమేక్షణాయై విషమేక్షణాయ 

నమశ్శివాయై చ నమశ్శివాయII

మందార మాలా కవితాలకాయై 

కపాల మాలాంకిత కంథరాయ 

దివ్యాంబరాయై చ దిగంబరాయై 

నమశ్శివాయై చ నమశ్శివాయII

అంభోధర శ్యామల కుంతలాయై 

తటిత్రభా తామ్ర జటధరాయ 

నిరీశ్వరాయై నిఖిలేశ్వరాయ 

నమశ్శివాయై చ నమశ్శివాయII

ప్రపంచ సృష్ట్యున్ముఖ లాస్యకాయై 

సమస్త సంహారక తాండవాయ 

జగజ్జనన్యై జగదేక పిత్రే 

నమశ్శివాయై చ నమశ్శివాయII

ప్రదీప్త రత్నోజ్జ్వల కుండలాయై 

స్ఫురన్మహా పన్నగ భూషణాయ 

శివాన్వితాయై చ శివాన్వితాయ 

నమశ్శివాయై చ నమశ్శివాయII

ఏతత్పఠే దష్టక నిష్టదం యో 

భక్త్వా స మాన్యోభువి దీర్ఘ జీవీ 

ప్రాప్నోతి సౌభాగ్య మనంతకాలం 

భూయాత్సదా చాన్య సమస్త సిద్ధిః 

ఇతి శ్రీ మచ్చంకరాచార్య విరచిత అర్థనారీశ్వర స్తోత్రమ్