శ్రీఛిన్నమస్తాష్టోత్తరశతనామ స్తోత్రమ్ Sri Chinnamasta Astottara Naama Stotram | GRANTHANIDHI | MOHANPUBLICATIONS | bhaktipustakalu

            Sri Chinnamasta Astottara Naama Stotram

                         శ్రీఛిన్నమస్తాష్టోత్తరశతనామ స్తోత్రమ్

శ్రీపార్వత్యువాచ --

నామ్నాం సహస్రం పరమం ఛిన్నమస్తా-ప్రియం శుభమ్ .

కథితం భవతా శమ్భో సద్యః శత్రు-నికృన్తనమ్ .. ౧..

పునః పృచ్ఛామ్యహం దేవ కృపాం కురు మమోపరి .

సహస్ర-నామ-పాఠే చ అశక్తో యః పుమాన్ భవేత్ .. ౨..

తేన కిం పఠ్యతే నాథ తన్మే బ్రూహి కృపా-మయ .

శ్రీ సదాశివ ఉవాచ -

అష్టోత్తర-శతం నామ్నాం పఠ్యతే తేన సర్వదా .. ౩..

సహస్ర-నామ-పాఠస్య ఫలం ప్రాప్నోతి నిశ్చితమ్ .

ఓం అస్య శ్రీఛిన్నమస్తాష్టోత్తర-శత-నాఅమ-స్తోత్రస్య సదాశివఋషిరనుష్టుప్ ఛన్దః

శ్రీఛిన్నమస్తా దేవతా మమ-సకల-సిద్ధి-ప్రాప్తయే జపే వినియోగః ..

ఓం ఛిన్నమస్తా మహావిద్యా మహాభీమా మహోదరీ .

చణ్డేశ్వరీ చణ్డ-మాతా చణ్డ-ముణ్డ్-ప్రభఞ్జినీ .. ౪..

మహాచణ్డా చణ్డ-రూపా చణ్డికా చణ్డ-ఖణ్డినీ .

క్రోధినీ క్రోధ-జననీ క్రోధ-రూపా కుహూ కలా .. ౫..

కోపాతురా కోపయుతా జోప-సంహార-కారిణీ .

వజ్ర-వైరోచనీ వజ్రా వజ్ర-కల్పా చ డాకినీ .. ౬..

డాకినీ కర్మ్మ-నిరతా డాకినీ కర్మ-పూజితా .

డాకినీ సఙ్గ-నిరతా డాకినీ ప్రేమ-పూరితా .. ౭..

ఖట్వాఙ్గ-ధారిణీ ఖర్వా ఖడ్గ-ఖప్పర-ధారిణీ .

ప్రేతాసనా ప్రేత-యుతా ప్రేత-సఙ్గ-విహారిణీ .. ౮..

ఛిన్న-ముణ్డ-ధరా ఛిన్న-చణ్డ-విద్యా చ చిత్రిణీ .

ఘోర-రూపా ఘోర-దృష్టర్ఘోర-రావా ఘనోవరీ .. ౯..

యోగినీ యోగ-నిరతా జప-యజ్ఞ-పరాయణా .

యోని-చక్ర-మయీ యోనిర్యోని-చక్ర-ప్రవర్తినీ .. ౧౦..

యోని-ముద్రా-యోని-గమ్యా యోని-యన్త్ర-నివాసినీ .

యన్త్ర-రూపా యన్త్ర-మయీ యన్త్రేశీ యన్త్ర-పూజితా .. ౧౧..

కీర్త్యా కర్పాదనీ కాలీ కఙ్కాలీ కల-కారిణీ .

ఆరక్తా రక్త-నయనా రక్త-పాన-పరాయణా .. ౧౨..

భవానీ భూతిదా భూతిర్భూతి-దాత్రీ చ భైరవీ .

భైరవాచార-నిరతా భూత-భైరవ-సేవితా .. ౧౩..

భీమా భీమేశ్వరీ దేవీ భీమ-నాద-పరాయణా .

భవారాధ్యా భవ-నుతా భవ-సాగర-తారిణీ .. ౧౪..

భద్ర-కాలీ భద్ర-తనుర్భద్ర-రూపా చ భద్రికా .

భద్ర-రూపా మహా-భద్రా సుభద్రా భద్రపాలినీ .. ౧౫..

సుభవ్యా భవ్య-వదనా సుముఖీ సిద్ధ-సేవితా .

సిద్ధిదా సిద్ధి-నివహా సిద్ధాసిద్ధ-నిషేవితా .. ౧౬..

శుభదా శుభఫ్గా శుద్ధా శుద్ధ-సత్వా-శుభావహా .

శ్రేష్ఠా దృష్ఠి-మయీ దేవీ దృష్ఠి-సంహార-కారిణీ .. ౧౭..

శర్వాణీ సర్వగా సర్వా సర్వ-మఙ్గల-కారిణీ .

శివా శాన్తా శాన్తి-రూపా మృడానీ మదానతురా .. ౧౮..

ఇతి తే కథితం దేవి స్తోత్రం పరమ-దుర్లభమం .

గుహ్యాద్-గుహ్య-తరం గోప్యం గోపనియం ప్రయత్నతః .. ౧౯..

కిమత్ర బహునోక్తేన త్వదగ్రం ప్రాణ-వల్లభే .

మారణం మోహనం దేవి హ్యుచ్చాటనమతః పరమం .. ౨౦..

స్తమ్భనాదిక-కర్మ్మాణి ఋద్ధయః సిద్ధయోఽపి చ .

త్రికాల-పఠనాదస్య సర్వే సిధ్యన్త్యసంశయః .. ౨౧..

మహోత్తమం స్తోత్రమిదం వరాననే మయేరితం నిత్య మనన్య-బుద్ధయః .

పఠన్తి యే భక్తి-యుతా నరోత్తమా భవేన్న తేషాం రిపుభిః పరాజయః .. ౨౨.

.. ఇతి శ్రీఛిన్నమస్తాష్టోత్తరశతనామ స్తోత్రమ్ ..