తిరుత్తణి నివాసాయ దివ్యాయ పరమాత్మనే!
దేవసేనా సమేతాయ వల్లీశాయాస్తు మంగళమ్!!
కార్తికేయాయ మహతే శరకాననశాయినే!
తారకాసుర నాశాయ షణ్ముఖాయాస్తు మంగళమ్!!
పూర్ణచంద్ర నిభాస్యాయ పూర్ణశక్తి స్వరూపిణే!
పూర్ణాయ పూర్ణరూపాయ సుబ్రహ్మణ్యాయ మంగళమ్!!
పరస్మై పరరూపాయ పరమేశ సుతాయ తే!
పరాత్పరాయ పారాయ సుబ్రహ్మణ్యాయ మంగళమ్!
ఉమా సుతాయ సర్వార్థఫలదాయ స్వయంభువే!
భక్తాధీనాయ విభవే సుబ్రహ్మణ్యాయ మంగళమ్!!
సుబ్రహ్మణ్యాయ శూరాయ సుందరాయ సురోచిషే!
సుస్థిరాయ సురేశాయ షణ్ముఖాయాస్తు మంగళమ్!!
శరదుత్ఫుల్ల పద్మాభ నేత్రాయ శివదాయినే!
గాంగేయాయ సుశీలాయ వల్లీశాయాస్తు మంగళమ్!!
గుహాయ గుహ్యరూపాయ గణనాథాయ జాయతే!
గీతజ్ఞాయ గుణాడ్యాయ సుబ్రహ్మణ్యాయ మంగళమ్!!
నిర్వికారాయ శూరాయ నిర్జితాఖిల శత్రవే!
నిర్మోహాయ సురూపాయ షణ్ముఖాయాస్తు మంగళమ్!!
సంసార దుస్తరాంభోధి పోతాయ భవసూనవే!
రామమూర్తి సుపాలాయ సుబ్రహ్మణ్యాయ మంగళమ్!!
అచింత్యశక్త యే మత్త దుష్టతారకహారిణే!
మహతే మహనీయాయ సుబ్రహ్మణ్యాయ మంగళమ్!!
అశేషభాగ్య సంధాత్రే ఆడ్యాయ గుణశాలినే!
గుణాతీతాయ గురవే షణ్ముఖాయాస్తు మంగళమ్!!
ఆర్తిహరాయ ఆనంద ఫలదాయ మహాత్మనే!
ఆపన్న జనరక్షాయ వల్లీశాయాస్తు మంగళమ్!!
కూతస్థాయ కుభ్రుద్భేదకారిణే శుభరూపిణే!
మోహాంధకార రవయే సుబ్రహ్మణ్యాయ మంగళమ్!!
సద్భక్త పారిజాతాయ సత్యమార్గరతాయతే!
సజ్జనావన దీక్షాయ వల్లీశాయాస్తు మంగళమ్!!
సుందరయ సుశీలాయ సుస్థిరాయ శుభాత్మనే!
శోకమోహ వినాశాయ సుబ్రహ్మణ్యాయ మంగళమ్!!
నిత్యాయ నిరవద్యాయ నిరీహాయ గుహాయతే!
నిరాకారాయ భద్రాయ షణ్ముఖాయాస్తు మంగళమ్!!
పురాణాయ పరబ్రహ్మ స్వరూపాయ పరాత్మనే!
పరస్మై పుణ్యరూపాయ సుబ్రహ్మణ్యాయ మంగళమ్!!
స్వర్వాసిజన పూజ్యాయ సర్వసంకట హారిణే!
పరమానందరూపాయ సుబ్రహ్మణ్యాయ మంగళమ్!!
సకలాగమ సందోహ సూక్తిగమ్య స్వరూపిణే!
విశ్వరూపాయ విశ్వస్మై షణ్ముఖాయాస్తు మంగళమ్!!
ధన్యాయ ధర్మరూపాయ ధర్మాధ్యక్షాయ వేధసే!
పాపఘ్నాయ పరేశాయ సుబ్రహ్మణ్యాయ మంగళమ్!!
సురాసుర కిరీటస్థ మణిఘ్రుష్ట పదాంబుజః!
శివస్య మంత్రదాత్రే తే షణ్ముఖాయాస్తు మంగళమ్!!
ఓం తత్సత్!
సర్వం శ్రీ సుబ్రహ్మణ్యార్పణమస్తు!
శ్రీ శరవణభవ ఓమ్!!
No comments:
Post a Comment
మీ అభిప్రాయాలు తెలియచేయగలరు
(OR) mohanpublications@gmail.com
(or)9032462565